«Қауіпсіз жол» жедел-профилактикалық іс-шарасы барысында мас күйде көлік тізгіндеген тұрғын ұсталды, деп хабарлайды F16.kz.
Зайсан ауданында патрульдік қызмет барысында тәртіп сақшылары «ВАЗ-2115» маркалы автокөлігін тоқтатқан. Көлік тізгініндегі 45 жастағы жүргізушінің масаң күйде екені белгілі болды.
Куәландыру қорытындысы бойынш, ер адамның орта дәрежелі алкогольдік масаң күйде болғаны расталды. Тәртіп бұзған тұрғынға қатысты әкімшілік хаттама толтырылып, көлік айыппұл тұрағына қойылды, — дейді ШҚО ПД баспасөз қызметі.
Айта кетейік, облыс аумағында 21-26 сәуір аралығында «Қауіпсіз жол» республикалық жедел профилактикалық іс-шарасы өтеді.
Профилактикалық шара басталған екі күн ішінде полиция қызметкерлері 1200-ден астам жол ережесін бұзу фактісін анықтаған.
Жалпы, есепті кезеңде облыс бойынша 11 мас жүргізуші көлік басқару құқығынан айырылып, қарама-қарсы бағытқа шығудың 6 фактісі анықталды. Ереже бұзғаны үшін 36 көлік құралы айып тұрағына қойылса, оның 5-еуі Зайсан ауданының аумағында ұсталған, — делінген департамент хабарламасында.
Полиция қызметкерлері барша азаматтарды жол жүру ережесін қатаң сақтауға шақырады.
