ШҚО аумағында «Қауіпті жүргізуші» жедел-профилактикалық іс-шарасының алғашқы аптасы қортындыланды. Жеті күн ішінде шығысқазақстандық полицейлер 1500-ден астам жол ережесін бұзу дерегін тіркеген, деп хабарлайды F16.kz.
Оның ішінде жаяу жүргіншілердің қауіпсіздігіне тікелей қауіп төндіретін өрескел фактілер де бар. Көлік құралын масаң күйде басқарған жүргізушілер де анықталған.
Рейд қорытындысы бойынша масаң күйде болған 30 жүргізуші жауапкершілікке тартылды. Көлік құралдарының техникалық жай-күйін және олардың заңды пайдаланылуын бақылау аясында полицейлер 130 автокөлікті пайдаланудан шығарып, 59 техника арнайы тұрақтарға қойылды, – делінген ақпаратта.
Айта кетейік, жедел профилактикалық іс-шара 14 желтоқсанға дейін жалғасады.
