Жол—көлік оқиғасы 15 қыркүйек күні кешке Аврора ауданында болған. Бұл оқыс жағдай өтіп бара жатқан көліктердің бірінің бейнекамерасына жазылып қалған, деп хабарлайды F16.kz.
Бейнежазбада әйел адамның реттелмейтін жаяу жүргіншілер жолымен өтіп бара жатқаны анық көрінеді. Кенет жолдың қарсы бағытынан өте бергенде арғы жақтан жүйткіп келе жатқан мәшін оны қағып кетеді. Қатты соққыдан жаяу жүргінші қалпақтай ұшады. Куәгерлердің айтуынша, әйел адам сол жерде тіл тартпай кеткен. ШҚО полиция департаменті аталған қиғаға байланысты ресми ақпарат таратқан жоқ.
Айта кетейік, кеше өткен Үкімет отырысында Мемлекет басшысының тапсырмаларын жүзеге асыру аясында жол қозғалысы мен жаяу жүргіншілер қауіпсіздігін қамтамасыз ету мәселесі қаралды.
Премьер-министр Олжас Бектенов заңнамалық қатаң шаралардың қабылданғанына қарамастан, жыл өткен сайын көлік жүргізу және жолды кесіп өту мәдениеті төмен күйінде қалып отырғанын атап өтті. Жауапқа тартылған жүргізушілердің саны артуда, алайда жағдайдың түзелгені байқалмайды. Үкімет басшысы аталған проблеманы шешу үшін жауапты
