2–3 қазан күндері облыс орталығында Катонқарағай ауданының мәдени-шығармашылық күндері өтеді. Іс-шараның басты мақсаты – Катонқарағай ауданының тарихи-мәдени мұрасын, ұлттық құндылықтарын, өнері мен салт-дәстүрлерін кеңінен таныстыру. Сонымен қатар жас ұрпақтың шығармашылық әлеуетін көрсету және ауданның әлеуметтік-экономикалық мүмкіндіктерін насихаттау, деп хабарлайды F16.kz.
Іс-шаралар бағдарламасы төмендегідей:
2 қазан
17:00 – «Болашақ Катонқарағай – жасампаз ұрпақ көзімен» атты аудан мектептері оқушыларының шығармашылық көрмесі ұйымдастырылып, Катонқарағай ауданының тарихи-мәдени мұрасын таныстыратын экспозициялар ұсынылады.
18:00 – Шығыс Қазақстан облыстық филармониясында (Өскемен қаласы, Протозанов көшесі, 43) ауданның шығармашылық ұжымдары мен өнерпаздарының қатысуымен мерекелік концерт өтеді.
3 қазан
08:00 – Мәдени және ұлттық іс-шаралар
Бағдарлама аясында:
- ауыл шаруашылығы өнімдерінің жәрмеңкесі;
- қолөнер шеберлерінің көрмесі;
- концерттік бағдарлама;
- ұлттық ойындар: қол күресі, арқан тарту, қымыз ішу және басқа да ұлттық ойындар өткізіледі.
Өтетін орны:
«Шығыс Алтай» сауда орталығы,
Жібек жолы даңғылы, 44.
