22 қыркүйекте Күршім ауданы Балықшы ауылдық округінде 1979 және 2001 жылы туған екі ер адам Зайсан көліне балық аулауға шығып, қайтып оралмаған, деп хабарлайды F16.kz.
Іздеу жұмыстарына ТЖМ күштері және құралдарымен қатар жергілікті тұрғындар өз қайықтарымен қатысқан
Алғашқы күні жағалаудан 3-4 шақырым қашықтықта суға батқан қайық табылды. 29 қыркүйекте жергілікті тұрғындар 2001 жылы туған ер адамның денесін тапты. 30 қыркүйекте құтқарушылар 1979 жылы туған ер адамның мәйітін судан алып шықты. Ауа райының қолайсыздығы, қатты жел мен толқын және тексерілетін акватория аумағының үлкен болуы іздестіру жұмыстарына қиындық туғызды, — дейді ШҚО ТЖД баспасөз қызметі.
ТЖМ құтқарушылары 63 рет сүңгу жұмыстарын жүргізіп, жағалау сызығы мен көлдің акваториясын ұшқышсыз ұшу аппараттары арқылы тексерген.
