Облыс орталығында кезекті есірткінің ірі партиясы тәркіленді. Үш келіге жуық тыйым салынған зат көліктің әртүрлі бөліктерінде көрінбейтін орындарға жасырылған, деп хабарлайды F16.kz.
Есірткі орамалары дөңгелек аркаларының ішінен, есік қаптамасының артынан және артқы орындықтардың арасынан табылды.
Ұсталған 39 жастағы ер адам басқа өңірдің тұрғыны болып шықты. Тергеу мәліметтеріне сәйкес, ол есірткіні басқа жақтан Өскемен қаласына әрі қарай өткізу мақсатында жеткізген. Күдікті «Паутина» және «Қарасора» жедел профилактикалық іс-шаралары барысында ұсталды. Көлікті тінту барысында полицейлер оның әртүрлі бөліктеріне жасырылған өсімдік тектес зат салынған алты ораманы тапты, — дейді ШҚО ПД баспасөз қызметі.
Сараптама нәтижесінде тәркіленген заттың кептірілген марихуана екені анықталды. Есірткінің жалпы салмағы шамамен 3 келіні құрады.
Аталған факті бойынша қылмыстық іс қозғалды. Ер адам уақытша ұстау изоляторына қамалды.
