Жол-көлік оқиғасы бүгін, 3 наурызда Серікбаев көшесінде болды. ШҚО полиция департаменті баспасөз қызметінің мәліметінше, зардап шеккен қыз дереу ауруханаға жеткізілген.
№33 бағыттағы Daewoo маркалы автобус жүргізушісі бағдаршаммен реттелетін қиылыста қауіпсіз қозғалыс жылдамдығын сақтамаған және жолдың тайғанақ екенін ескермеген. Соның салдарынан көлікті басқара алмай, бағдаршамның рұқсат беру сигналына өтіп бара жатқан қызды қағып кетті, — деп жазды ШҚО ПД баспасөз қызметі.
Полиция департаментінің дерегінше, жаяу жүргінші жедел жәрдем бригадасымен медициналық мекемеге жеткізілді. Қазір полиция қызметкерлері оқиғаның мән-жайын тексеріп жатыр.
