Өскеменнің Б.Алесандров атындағы спорт сарайында NAIZA 77 халықаралық турнирі өтеді. Жекпе-жек кеші 27 қыркүйек күні сағат 17.00-де басталады, деп хабарлайды F16.kz.
Бұл күнгі басты жекпе-жек Қазбек Сағын мен Еламан Саясатов арасында өтеді. Қос мықтының төбелесі қалың жанкүйердің қызығушылығын туғызып отырғанын айта кету керек.
Сонымен қатар көпшілік қауым «Зайсандық қорқыныш» лақап атымен танымал Болат Заманбеков (9-3) пен қытайлық Инь Сянчжаоның (9-4) жекпе-жегін тамашалайды.
Бұл кеште өскемендік споршылар – Денис Черников, Жасулан Нұрдыбеков және Ерзат Сақабанов та сегізбұрышқа шығып, жергілікті жанкүйерлердің алдында барын салуға дайын.
Турнирді ұйымдастырушылар Өскемендегі спорт бәсекесіне Шавхат Рахмонов бастаған аралас жекпе-жек шеберлері қонақ ретінде келіп қатысуы мүмкін екенін айтты.
