Өскемен полицейлері Ертіс өзеніне секірген әйелді құтқарды, деп хабарлайды F16.kz.
Кеше, 25 қазан күні түнде «102» арнасына Славский жағалауы маңында бейтаныс әйелдің Ертіс өзеніне секіргені жөнінде хабарлама түсті. Оқиға орнына Өскемен қалалық полиция басқармасы патрульдік полиция батальонының экипажы жедел жетті. Полиция лейтенанты Мадияр Серікболов еш ойланбастан суға секіріп, әйелді құтқаруға кірісті. Оның әріптесі Мәлік Темірбеков пен өзге полицейлер де көмекке ұмтылды. Судағы екеуге құтқару шеңберін лақтырып, оларды арқанмен жағаға тартып шығарды.
Жарақат алған әйелге жедел жәрдем қызметкерлері алғашқы медициналық көмек көрсетті. Тәртіп сақшылары оқиғаның мән-жайын анықтап жатыр.
