Өскеменде қала күніне орай видеограф, мобилограф және дрон-операторлары арасында байқау жарияланды, деп хабарлайды F16.kz.
Қысқаметражды бейнероликте қаланың сұлулығы мен қайталанбас атмосферасы бейнеленуі тиіс.
Байқау шарттары:
Формат: 9:16, 4K сапада
Ұзақтығы: 1 минут 30 секундқа дейін
Тақырып: «Өскеменге махаббатпен»
15–25 тамыз аралығында өтінім мен бейнероликті anuar.qairatuly@bk.ru поштасына жіберу
Instagram-дағы @akimatoskemen және @oskemen_sayasat парақшаларына жазылу
26 тамызда бейнероликті жеке парақшаңызда #СенКөрмегенӨскемен және #УстьКаменогорскДругимиГлазами хэштегтерімен жариялап, @akimatoskemen парақшасын бірлескен автор ретінде белгілеу
Тек авторлық жұмыстар қабылданады, плагиатқа жол берілмейді
Жеңімпаздар 30 тамыз күні қала күніне орай марапатталады. Жеңімпаздар Instagram-да ең көп шынайы лайк жинаған жұмыстардың ішінен анықталады және үздік бейнеролик гала-концерт сахнасында көрсетіледі, — делінген хабарламада.
Жүлде қоры:
I орын – 300 000 тг
II орын – 200 000 тг
III орын – 100 000 тг
