Жыл соңына дейін облыс орталығына 12 электробус сатып алынады. Бұл туралы бүгін өткен қалалық мәслихаттың кезекті сессиясында Өскемен әкімінің міндетін атқарушы Мақсат Шакиров мәлім етті, деп хабарлайды F16.kz.
Электр қуатымен жүретін қоғамдық көліктер қалада алғаш рет қолданысқа берілгелі отыр. Сондықтан қатты аязда электробустар істен шығуы мүмкін деген пікірлер айтылған. Алайда мамандар оның бәрін жоққа шығарды. Жаңа көліктер суық ауа райында еш қиындық қатынай алатынын және оған техникалық мүмкіндігі жеткілікті екенін айтты.
Сонымен қатар М.Шакиров 2025 жылдың соңына дейін Өскеменге жаңадан тағы 14 автобус және тоғыз шағын автобус жеткізілетінін атап өтті.
Жалпы, биыл облыс орталығының қоғамдық көлік паркі жаңадан үш трамвай, 14 шағын автобус және 45 үлкен автобуспен толықты.
