Өскемендегі өзен трамвайлары 1 мамырда өз жұмысын бастайды. Бұл туралы «Белалекс» компаниясы әлеуметтік желідегі парақшасында жариялады, деп хабарлайды F16.kz.
Дәстүр бойынша жаңа маусымның ашылуына орай Славский жағалауында мерекелік бағдарлама мен жәрмеңке ұйымдастырылады.
Қала тұрғындары мен қонақтары өзен трамвайларымен 1 мамыр сағат 10.00-ден бастап серуен құра алады. Халыққа көтеріңкі көңіл-күй, ерекше эмоция сыйлау үшін мерекелік концерт өтеді. Кешкі сағат 20.00-де дәстүрлі отшашу болады, — делінген хабарламада.
Сонымен қатар 1 мамырдан бастап қаладағы субұрқақтар кезең-кезеңмен іске қосылады. Субұрқақтар 1 қазанға дейін күн сайын сағат 08.00-ден 23.00-ге дейін жұмыс істейді. Ауа райына байланысты олардың жұмысы реттеліп отырады.
