Қаржылық мониторинг агенттігі төрағасының орынбасары Жеңіс Елемесов бұрынғы Biz Birgemiz Qazaqstan қорының төрағасы Перизат Қайраттың ісіне қатысты мән-жайды айтты, деп хабарлайды F16.kz.
Оның сөзіне қарағанда, тергеу аяқталған соң қылмыстық істің қатысушылары іс материалдарымен танысады, содан кейін айыпталушы мен қорғаушыларға өтінішхат жолдауға үш күн уақыт беріледі.
Агенттік төрағасының орынбасары Перизат Қайраттың ісі 9 маусымнан кейін сотқа жолдануы мүмкін екенін растады.
Бүгінде аталған іс бойынша құзырлы орган өкілдері 100-ден астам адамнын жауап алған. Ал жәбірленушілердің саны қанша екені әзірге белгісіз. Бір анығы Biz Birgemiz кейсі бойынша жалпы сомасы 3,5 млрд теңге көлемінде шығын келтірілген.
Естеріңізге сала кетейік, бұрынғы Biz Birgemiz қорының төрағасы Перизат Қайратқа су тасқынынан жапа шеккен қазақстандықтарға көмек ретінде жиналған қаражатты жымқырды деген айып тағылған. Сонымен қатар оның бұдан басқа көмекке мұқтаж жандарға жиналған қаражатты жымқыруға қатысы болуы мүмкін.
Фото: 01pk/instagram
