«AMANAT» партиясы ШҚО филиалының жұмыс тобы Шемонайха ауданына қарасты Волчанка ауылындағы дәрігерлік амбулаторияның құрылыс нысанында мониторинг жүргізді. Тексеру барысында бірқатар олқылықтар анықталды, деп хабарлайды F16.kz.
Айта кету керек, әлеуметтік нысанның құрылысы баяу жүргізіліп жатыр.
Сондай-ақ жұмыс тобы нысанның орындалған бөлігінің сапасы нашар екенін анықтаған. Сондай-ақ электр сымдары дұрыс ілінбеген, өрт қауіпсіздігі талаптары сақталмаған, қабырға плиталары да дұрыс бекітілмеген. Нысанда әлі күнге дейін тұрақты электр қуаты тартылмаған көрінеді.
Мұндағы ең басты мәселе – тапсырыс берушімен техникалық қадағалау тарапынан бақылаудың болмаған.
Құрылыс барысында қолданылған кейбір материалдардың сапасы да күмән тудырады. Орнатылған есіктерді конденсаттың әсерінен тот басқан. Территорияда төселген асфальттың беті үгітіліп жатыр. Жалпы аумақтың абаттандырылуы да көңіл көншітпейді Бұл – халықтың денсаулығына қатысты маңызды әлеуметтік нысан. Әрбір осындай құрылыс сапалы, әрі қауіпсіз болуы тиіс. Партия бұл мәселені өз бақылауына алады және тиісті органдарға нақты ұсыныстар енгізеді, – дейді «AMANAT» партиясының ШҚО филиалы төрағасының міндетін атқарушы Аманбай Нұркенов.
«AMANAT» партиясының өңірлік филиалы алдағы уақытта құрылыс сапасын бақылау бойынша қоғамдық мониторингті күшейтіп, анықталған кемшіліктердің жойылуын бақылауда ұстамақ.
