Облыс аумағында 21-25 ақпан аралығында «Тасымалдаушы» жедел алдын алу іс-шарасы өтті. Жол полициясы осы кезеңде 1186 жол қозғалысы ережесін бұзу фактісін тіркеген, деп хабарлайды F16.kz.
ШҚО ПД баспасөз қызметінің мәліметіне сүйенсек, жолаушылар мен жүк тасымалдайтын 93 көліктің жұмысына тыйым салынған. 28 көлік арнайы тұрақ орындарына қойылып, 65 мемлекеттік тіркеу нөмірі тәркіленген.
Рейдтер барысында 32 заңсыз тасымалдаушы тоқтатылды, оның 30-ы такси жүргізушісі. Төртеуі оң рульді көліктермен жолаушылар тасымалдаған, бұл заңға қайшы, – дейді департаменттің баспасөз қызметі.
Сондай-ақ көлікті мас күйінде жүргізудің 14 фактісі, қарсы жолаққа шығудың 10 фактісі, техникалық ақауы бар көліктерді басқарудың 133 фактісі, жолаушыларды тасымалдау мен қауіпсіздік белдігін пайдалану ережелерін бұзудың жүздеген фактілері тіркелді.
Жалпы 29 автобаза мен басқа да ұйымдардың, 1228 жүргізушінің қызметі тексерілген.
