Өңірде жол-көлік оқиғасының алдын алу үшін түсіндіру және рейд шаралары жүргізіліп жатыр. Тәртіп сақшылары бір тәулікте 477 жол ережесін бұзу дерегін тіркеді, деп хабарлайды F16.kz.
ШҚО ПД баспасөз қызметі таратқан мәліметке сүйенсек, шара барысында тұрғындарға түсіндіру жұмысы жүргізіліп, құқық бұзудың алдын алуға баса назар аударылған.
Апаттық жағдай туғызған 112 оқиға, рөлде телефон пайдаланған 54 оқиға, қауіпсіздік белдігін тақпаған 58 және жаяу жүргіншілер заң бұзған 79 оқиға анықталды. Одан бөлек, маневр жасау қағидаларын бұзу, жаяу жүргіншілерге жол бермеу және қызылға өтіп кету фактілері тіркелді. Көлік құралдарының техникалық жай-күйі де назарға алынады, — делінген департаменттің баспасөз қызметі таратқан ақпаратта.
Жолдағы профилактикалық жұмыстар мен бақылау шаралары әлі де жалғасады. Тәртіп сақшылары өңір тұрғындары мен көлік жүргізушілеріне жол ережесін қатаң сақтау керектігін ескертеді.
