Шығыс Қазақстан облысында халық саны жылдан жылға кеміп барады. Бір жылда өңір халқы 5 мың адамға азайған. Бұл туралы Стратегиялық жоспарлау және реформалар агенттігі Ұлттық статистика бюросының ШҚО бойынша департаментінің басшысы Ерназ Нұрланов айтты, деп хабарлайды F16.kz.
2026 жылғы 1 қаңтардағы жағдай бойынша облыста 718 900 адам тұрады.
Халықтың басым бөлігі, яғни 486,4 мың адам қала тұрғындары. Ал, ауылда бүгінде 232,5 мың адам бар. былтырғымен салыстырғанда ауыл халықының үлесі 2,4 пайызға азайған. Гендерлік тұрғыдан алғанда, облыста әйелдер саны басым, — деді ҚР Стратегиялық жоспарлау және реформалар агенттігі Ұлттық статистика бюросының ШҚО бойынша департаментінің басшысы Ерназ Нұрланов.
1 қаңтардағы дерек бойынша өңірде 344 800 ер адам және 374 100 әйел адам тұрады.
