Шығыс Қазақстан облысының әкімі Нұрымбет Сақтағановтың қатысуымен «Ауыл аманаты» бағдарламасын іске асыру барысы және биылға межеленген жоспарлар талқыланған жиын өтті, деп хабарлайды F16.kz.
Үкімет тапсырмасына сәйкес, бүгінгі таңда өңірде ауыл халқының кәсіпкерлік белсенділігін қолдауға және агроөнеркәсіптік кешенді дамытуға бағытталған «Ауыл аманаты» мемлекеттік бағдарламасын іске асыру жалғасып жатыр. Бағдарламаның негізгі міндеті – ауыл халқына шағын несие беруді қамтамасыз ету, жаңа жұмыс орындарын құру, кооперацияны дамыту және ауылдық жерлерде өмір сүру деңгейін арттыру.
Биылға республикалық бюджеттен 3 миллиард теңге көлемінде қаржыландыру көзделген, 305 жобаны іске асыру және дәл сонша жаңа жұмыс орнын құру көзделіп отыр.
Қаржыландырудың басым бағыттары: туризмді дамыту, ауыл шаруашылығы өнімдерін қайта өңдеу, ауыл шаруашылығы техникасы мен жабдықтарын сатып алу.
Ауыл тұрғындарының қажеттіліктерін ескере отырып, мал
шаруашылығын дамытуды басым бағыттарға қосу ұсынылды, оның ішінде: тауарлы-сүт фермаларын құру, ірі қара малын бордақылау жобасын іске асыру, құс шаруашылығын (жұмыртқа бағытында) дамыту, ұсақ мал өсіру (ұсақ мал).
