Шығыс Қазақстан облысында жылына 50 тонна өнім өндіретін балық өсіру кешенінің салынады. Балық шаруашылығы саласындағы жаңа жобаны “Самал Тау” серіктестігі жүзеге асырмақ. Бұл туралы ҚР Ауыл шаруашылығы министрлігі мәлім етті, деп хабарлады F16.kz.
Жалпы құны 348 миллион теңгені құрайтын жоба 2025–2026 жылдарға жоспарланған.
Балық өсіруге арналған екі ангар, жем қоймасы және бес арнайы тоған салу көзделген. Екі ангар мен тоғандар жүйесі форель тұқымдарын өсіруге арналмақ. Өндірістік бөлімі диаметрі 6 метр, биіктігі 1,1 метр болатын жиырма дөңгелек бассейнмен, сондай-ақ өлшемдері 15×1,1 м және 12×1,1 м болатын екі капсула тәрізді бассейнмен жабдықталады. Қосымша тағы бес тоған қамтылған. Оның үшеуі — 15×15 м, екеуі — 20×15 м көлемінде, — дейді министрліктің баспасөз қызметі.
Басты мақсат — өңірде аталған сала дамуына тың серпін беру және отандық балық шаруашылығының әлеуетін нығайту.
