Бүгін, 4 қарашада еліміздің бірқатар аймағында қар аралас жаңбыр жауып, күн суытады. Ауа райының күрт бұзылуына байланысты «ҚазАвтоЖол» ұлттық компаниясы жүргізушілерге жолда абайлап жүру қажеттігін ескертеді, деп хабарлайды F16.kz.
Абай, Ақмола, Алматы, Жамбыл, Жетісу, СҚО, Түркістан, Қарағанды, Павлодар, ШҚО және Ұлытау облыстарының кей жерлерінде қар аралас жаңбыр жауып, ауа температурасы төмендейді.
Сол себепті жүргізушілерге жылдамдық режимі мен қауіпсіз арақашықтықты қатаң сақтап, жолдардағы ауа райының қолайсыздығын ескерулеріңізді сұраймыз, – деп хабарлады «ҚазАвтоЖол» ҰК» АҚ-ның баспасөз қызметі.
Ұлттық компания өкілдері тұрғындарға кез келген уақытта 1403 байланыс орталығына хабарласып, автожолдарға қатысты қосымша ақпарат алуға болатынын айтады.
