Туристік саланы дамыту – мемлекеттік саясаттың басым бағыттарының бірі. Соңғы жылдары Шығыс Қазақстанда туризмді дамытуға баса назар аударылып, түрлі жобалар қолға алынды. Бұл туралы ШҚО Кәсіпкерлік және индустриялық-инновациялық даму басқармасы басшысының орынбасары Досжан Болатбек айтып берді, деп хабарлайды F16.kz тілшісі.
Былтыр аталмыш мақсатта 15 млрд теңге инвестиция салынып, бес ірі туристік нысан пайдалануға берілген. Жол бойында екі санитарлық-гигиеналық торап орнату тапсырмасына сәйкес, әр ауданда барлығы 12 нысан іске қосылды.
Биыл жазғы туристік маусымда Катонқарағай ауданында халықаралық «Рафтинг фестивалі» мен Ұлан ауданында «Шығыс салбурынын» өткізу жоспарланған. Бұл шаралар Дүниежүзілік туристік ұйымның (UNWTO) күнтізбесіне енгізілуі мүмкін.
Сонымен қатар туризм саласындағы жергілікті бастамаларды қолдау үшін «Ауыл аманаты» бағдарламасы аясында бөлінген қаржы көлемі биыл 1,5 млрд теңгеге дейін артады.
Фото: F16.kz
