Бүгінде Шығыс Қазақстанда Ұлы Отан соғысының 12 ардагері тұрады. Биыл Ұлы Жеңістің 80 жылдығына орай ардагерлерге 5 миллион теңге біржолғы әлеуметтік көмек көрсетіледі, деп хабарлайды F16.kz тілшісі.
Сондай-ақ блокада куәгерлері, концлагерь тұтқындары, майдангерлердің жесірлері мен тыл еңбеккерлеріне де ақшалай сыйлық беріледі.
Ресми деректерге сәйкес, облыс аумағында қазіргі таңда ҰОС қатысы бар 4 264 адам тұрады.
Бекітілген жоспарға сәйкес:
12 ҰОС қатысушысы мен мүгедегіне – 5 млн теңгеден;
190 ардагерге – оның ішінде тыл еңбеккерлері, блокада куәгерлері, концлагерь тұтқындары және майдангерлердің жесірлері – 130 мың теңгеден;
4 062 тыл еңбеккеріне – 80 мың теңгеден төлем беріледі.
Сондай-ақ Жеңіс күні қарсаңында ардагерлер үшін салтанатты іс-шаралар, мерекелік кездесулер мен жеке құттықтаулар өткізу жоспарланған.
Фото: gov.kz
