ШҚО-да көркем гимнастикадан өткен «Шығыс грациясы – 2025» халықаралық турнирінің жеңімпаздарын марапаттау рәсімі өтті, деп хабарлайды F16.kz.
Турнирде еліміздің түкпір-түкпірінен және Малайзия мен Ресейден келген 500-ден астам спортшы бақ сынады.
Дүбірлі додада жас спортшылар сұлулық пен шеберліктің, жеңіске деген жігердің айқын көрінісін көрсете білді. Жеңімпаздарды ШҚО әкімі Нұрымбет Сақтағанов құттықтап, барлық қатысушыға алғыс білдірді.
Осындай жарыста жас спортшылар шеберліктерін шыңдап, тәжірибе алмасады. Кәсіби тұрғыда жаңа белестерге ұмтылуға жол ашады. Алдағы уақытта да тек биіктерден көрініп, жеңіс тұғырынан көрінулеріңізге тілектеспін, – деді аймақ басшысы.
Халықаралық турнирде жүзден астам спортшы жүлдегер атанып, көркем гимнастикадан спорт шебері дәрежесіне ие болды.
