Күзгі жиын-терін науқанында шығысқазақстандық диқандар жақсы өнім алып жатыр. Бұл туралы еліміздің Ауыл шаруашылық министрлігі мәлім етті, деп хабарлайды F16.kz.
Бүгінде егін жинау жұмысы республиканың 15 өңірінде жүргізілуде. Оның ішінде Шығыс Қазақстан, Алматы, Батыс Қазақстан, Жамбыл, Солтүстік Қазақстан және Жетісу облыстарының диқандары жақсы өнімділік көрсетіп отыр.
Қазірдің өзінде 2,2 млн гектар дәнді дақыл орылды. Бұл жалпы егіс алқабының 13,7%-ына тең. Бастырылған астық көлемі — 3,1 млн тонна.
Сонымен қатар 24,4 мың тонна майлы дақыл, 525,5 мың тонна картоп (гектардан 239 центнер өнім), 1,6 млн тонна көкөніс (гектардан 286 центнер өнім), 1,8 млн тонна бақша дақылдары (гектардан 269,9 центнер өнім) жиналды, – деп жазды министрлік.
Көкөністердің ішінде ең жоғары өнім қырыққабат, пияз және сәбізден түсті.
