Елімізде вейпке қарсы заң былтыр күшіне еніп, сатуға және таратуға тыйым салынған. Десе де, зиянды әрі заңсыз затты жасырын сататындар әлі бар, деп хабарлайды F16.kz.
ШҚО бойынша Экономикалық тергеп-тексеру департаменті Telegram арналар арқылы вейп құрылғылары мен электронды сұйықтықты заңсыз сату фактісін анықтаған.
Мемлекет басшысының вейп өнімдерін сатуға тыйым салу жөніндегі тапсырмасын орындау мақсатында жұмыстар жүйелі жүргізіліп жатыр. Анықталған әр арнаның мыңнан астам жазылушысы болған, ал өнімдер Өскемен қаласының тұрғындарына таратылған. Тергеу нәтижесінде 1 500-ден астам вейп тәркіленіп, арна әкімшілері мен куәгерлерден жауап алынды, — дейді ШҚО бойынша Экономикалық тергеп-тексеру департаментінің өкілдері.
Қазіргі күні екі іс сотқа жолданды, бір іс бойынша үкім шықты, ал үшінші іс бойынша тергеу жалғасып жатыр.
