Өскеменде соңғы күндері ауаның ластау деңгейі артып, экологиялық ахуал ушығып барады. «Қазгидромет» бүгін қалада жүргізілген атмосфералық ауа сапасы мониторингінің қорытындысын жариялады, деп хабарлайды F16.kz.
Ресми мәліметтерге сүйенсек, қалада ауа сапасы қауіпсіз тыныс алу үшін ұсынылған деңгейден әлдеқайда ластанған.
Тексеру кезінде ауада күкірт диоксиді, көміртек тотығы мен күкіртті сутегі шекті деңгейден айтарлықтай асып кеткені анықталды.
Күкірт диоксиді шекті рұқсат етілген мөлшерден 2,158 есе, көміртек тотығы 1,320 есе, ал күкіртті сутек 1,150 есе асқанын көрсеткен.
Әлеуметтік желіде қала тұрғындары далада тыныс алу мүмкін еместігін жарыса жазып жатыр. Тамақ пен бас ауруына шағымданып жатқандар да бар.
