Өскемен қаласының 28-ықшамауданында электр желісі істен шығып, салдарынан жеке үйдің пеші қызып, жарылды. Жағдайды қала әкімдігі бақылауға алды, деп хабарлайды F16.kz.
Оқиға орнына қала әкімі Алмат Акышов барып, тиісті орындарға тапсырма берді.
Зардап шеккен отбасына мемлекет тарапынан уақытша тұрғын үй беріледі, ал ықшамауданның электр желісіндегі мәселе 10 күн ішінде толық шешіледі. Жағдай тұрақты бақылауда, — деді қала әкімі.
Оқыс оқиға салдарынан адам денсаулығына ешқандай зақым келген жоқ. Пеш жарылғанда үйде болған 2017 жылы туған қыз медициналық тексеруден өтті. Ешқандай шағым жоқ.
