2025 жылдың соңына дейін елімізде жедел жәрдем дәрігерлері бейнежетондармен жабдықталады. Бұл туралы денсаулық сақтау министрі Ақмарал Әлназарова Үкімет отырсынан кейінгі баспасөз мәслихатында айтты, деп хабарлайды F16.kz.
Ведомство басшысы дәрігерлерді бейнежетонмен қамтамасыз ету жедел жәрдем мамандарын дөрекі әрекеттерден қорғау үшін енгізілетінін атап өтті.
Дәрігерлердің қауіпсіздігін қамтамасыз ету үшін біз бүкіл шақыртуларды тіркейтін видеожетон тағу тәсілін енгіземіз. Сол үшін тиісті бұйрық шығардық. Облыс және қала әкімдіктері қаржы бөлуді қамтамасыз етуге тиіс. Меніңше, бұл жұмыс жыл соңына дейін кезең-кезеңімен жүзеге асырылады, – деді денсаулық сақтау министрі Ақмарал Әлназарова.
Осы орайда елдегі санитариялық автокөліктерді GPS навигациясымен жабдықтау 100 пайызға жеткенін айта кету керек.
Фото: F16.kz
