Глубокое ауданына қарасты екі ауылдың оқушылары жаңа оқу жылын жаңа әрі заманауи білім ордасында бастады, деп хабарлайды F16.kz.
“Келешек мектептері” ұлттық жобасы аясында Белоусовка кенті мен Опытное поле ауылында екі білім беру нысаны есігін айқара ашты.
Жаңа мектеп ауыл мен қала арасындаңы білім сапасын теңестіріп, бүлдіршіндердің материалдық және техникалық базасы толық жаңартылған кабениеттерде білім алуын қамтамасыз етеді.
Бұл жоба – сапалы білім беру жүйесін қалыптастыруға бағытталған кешенді реформа. Кең сыныптар, заманауи кабинеттер, спорт алаңдары мен демалыс аймақтары балалардың сапалы білім алуына және жан-жақты дамуына барлық жағдай жасайды, — деді ШҚО әкімінің бірінші орынбасары Жақсылық Омар.
Аудан әкімдігінің мәліметінше, білім беру мекемелерін одан сайын дамытуға және жабдықтарды толықтыру үшін әр мектепке 1 миллион теңгеден бөлінген.
