ШҚО-да ірі қара мал ұрлығына қатысы бар екі күдікті ұсталды. Олар ауыл сыртында жайылып жүрген малды ұрлап, сойып сатқан, деп хабарлайды F16.kz.
Тергеу мәліметтеріне сәйкес, күдіктілер алдымен малдың терісін сыпырып, етін бөлшектеген. Артынша екеуі екі көлікке мініп, қылмыс орнынан жасырынған. Біреуі жолда полицияның бар-жоқтығын тексеріп алда жүріп отырса, екіншісі ет тиелген көлікпен артынан ілескен.
Үйге жеткеннен кейін етті бөліп-бөліп дайындап, оны ауылдық және қалалық базарларда сатқан. Олар біреуінің ауласында ұрланған мал етін бөлшектеп жатқан сәтте қолға түсті. Тергеу барысында ұсталғандардың төрт бірдей ірі қара мал ұрлығына қатысы бары анықталды. Келтірілген шығын сомасы – 2,6 млн теңге, — деді ШҚО ПД баспасөз қызметі.
Қазіргі уақытта тергеу аяқталып, қылмыстық іс сотқа жолданды.
