11-12 қараша күндері өңір тұрғындары мен қонақтары сүйек кемігі донорларының ұлттық реестрін толықтырып, донор бола алады, деп хабарлайды F16.kz.
Облыстық қан орталығының ақ халаттылары тұрғындарды гемопоэздік дің жасушаларының доноры болу үшін сауалнама толтырып, қан тапсыруға шақырады.
Донор болу арқылы сіз бір адамға өмір сыйлауыңыз мүмкін. Қан обырымен ауыратын науқастардың көпшілігі үшін жалғыз үміт – сүйек кемігін трансплантаттау, — деді мамандар.
ШҚО тұрғындары 11-12 қараша күндері Көкжал Барақ көшесі, 11 мекен жайындағы қан орталығында акцияға қатыса алады.
Өзіңізбен бірге жеке куәлік болу міндетті. Аталмыш медицналық мекемеге №17, 26, 43А, 46, 260-шы автобустар жүреді.
