С. Аманжолов атындағы ШҚУ-дың \»Дене шынықтыру және спорт\» білім беру бағдарламасының үшінші курс студенті Бекарыс Бекенов Катар астанасында өткен таэквондодан халықаралық ашық чемпионатта бірінші орынды иеленді.
Жарысқа ең мықты атану үшін 40 елден 1440 спортшы қатысты, деп хабарлайды F16.kz сайты.
Жарыстың қатысушылар үшін маңызы зор болды. Халықаралық рейтингте есептеледі.
Бекарыс таэквондомен он жылдан аса айналысады. Азия чемпионатынан бөлек басқа да ірі спорттық жарыстарда бақ сынады.
— Мен бір жыл бойы қызу дайындалдым. Жүйелі жаттығу жасап, тиісті диета ұстанып, дұрыс режимде жаттықтым. Шынымен маңызды кезең болды. Дайындық өз жемісін бергеніне қуаныштымын. Жаттықтырушыма, барша жақындарыма және отандастарыма қолдау көрсеткендері үшін рахмет, — дейді спортшы.
Бекарыстың айтуынша, халықаралық аренадағы жеңістер жеке жетістіктерді ғана емес, сонымен қатар С. Аманжолов атындағы ШҚУ спортшыларының жоғары дайындық деңгейін көрсетеді.
![\"\"](\"https://f16.kz/uploads/posts/2024-11/whatsapp-image-2024-11-04-at-17_05_43.jpg\")
Фото: ШҚУ баспасөз қызметі
