Сенбі күні, яғни 6 желтоқсанда ШҚО-да шаңғы маусымы ресми түрде ашылады, деп хабарлайды F16.kz.
Өңір тұрғындары 6 желтоқсан күні «Алтай Альпісі» тау-щаңғы курортында өтетін қысқы маусымның ашылуына қатыса алады. Қонақтар спорттық іс-шаралар мен мерекелік бағдарламаларды тамашалап, жергілікті өнімдерден дәм тата алады.
Шара 10.00-де басталады. Қызықты байқаулар мен құнды сыйлық, сертификаттар ойнатылады. Одан бөлек, сноуборд және стюбпен сырғанау, садақ, тир ату, ит жегілген шаналар және арнайы безендірілген фотозоналар да ұйымдастырылады, — делінген хабарламада.
Айта кетейік, сенбі күні қысқы маусымды «Нұртау» тау-шаңғы курортында ашу жоспарланған.
Курорт әдеттегідей жұмысын жалғастыра береді. Ал, тау-шаңғы алаңы жақын күндері іске қосылады. Қазіргі уақытта қызу дайындық жүріп жатыр. Нақты күні қосымша хабарланады, — деді курорт әкімшілігі.
Осы себеппен «Нұртауда» жоспарланған мереке «Алтай Альпісі» аумағында өтеді.
