ШҚО-дағы Өскемен – Рахман қайнары тасжолындағы құрылыс жұмыстарының қашан аяқталатыны белгілі болды.
Бұл – облыстағы ұзақ мерзімді ірі құрылыс нысандарының бірі. Ондағы жұмыстар келер жылы аяқталады деп жоспарланып отыр. Бұл туралы аймақ басшысы Ермек Көшербаев Орталық коммуникациялар қызметінің көшпелі брифингінде айтты, деп хабарлайды F16.kz сайты.
Өскемен – Рахман қайнары тасжолы үш ауданды байланыстырып, Қазақстанның туристік орындар қатарына жататын Катонқарағай ауданына апарады.
Мұнда көпір салынып, жол жабыны ауыстырылады, сондай-ақ бекіту жұмыстарымен қатар жол инфрақұрылымын абаттандыру да жүргізілмек.
Дереккөз және сурет: ШҚО әкімінің баспасөз қызметі
