Шығыстың бас шаhарында дәстүрлі түрде өткізілетін “Таза ойындар” эко-сенбілігі осы аптада басталады, деп хабарлайды F16.kz тілшісі.
Қала әкімдігі шаhар тұрғындары мен қонақтарын өзгеше форматтағы сенбілікке қатысуға шақырады.
— Қатысушылар қала тазалығына ат салысып, қоқыстарды жинайды, сұрыптайды және оны қайта өңдеуге жібереді. Ең көп ұпай жинаған жеңімпаз командаға 100 000 теңге, екінші орын үшін 80 000, ал үшінші орынға 60 000 теңге ақшалай сыйлық және кубок пен медальдар табысталады. Ойын шарты бойынша командада 2-4 адам болуы керек, — дейді қала әкімдігінің баспасөз қызметі.
Сенбілік барысында қызықты ойындар мен экологиялық викторина ұйымдастырылып, демеушілер атынан арнайы сыйлықтар дайындалған.
Эко-сенбілік 12 сәуір күні сағат 10:00-де Назарбаев көшесі, 83/1 мекенжайында өтеді.
Фото: F16.kz/жасанды интеллект
