28 сәуір күні Өскемен қаласында жасөспірімдер мен ата-аналарға арналған ерекше қойылым өтеді.
«Таңдау» – бұл бала күнгі достық, қиын шешімдер мен тағдыр жолындағы таңдау жайлы шынайы драмалық қойылым.
Қойылымның оқиғасы бір мектепте оқып, армандарға бірге ұмтылған екі достың тағдыры туралы. Уақыт өте келе олардың жолдары екіге айырылады: бірі өз арманын сақтап, алға ұмтылады, екіншісі есірткі саудасының құрбанына айналады. Сатқындық, қасірет, үміт пен қиын таңдау – спектакльде шынайы өмір көрініс табады.
Қойылым көтеретін маңызды сұрақтар:
— Балаңыз кіммен араласып жүр?
— Ол достықты дұрыс таңдай ала ма?
— Бір таңдаудың өмірге әсері қандай болуы мүмкін?
Бұл қойылым — ата-аналар мен жасөспірімдерге қоғамдағы маңызды мәселелер туралы ой салып, дұрыс шешім қабылдаудың маңызын көрсететін әсерлі туынды.
Күні: 28 сәуір
Уақыты: 10:00 және 14:00
Өтетін орны: Протозанов көшесі, 43
Келіңіздер, көріңіздер, ой түйіңіздер. Өмірлік маңызы бар таңдауға бірге көз жүгіртейік.
