Өскемендегі өзен тармвайлары 1 мамырдан бастап жүре бастайды, деп хабарлайды F16.kz тілшісі.
Бұл туралы \»Белалекс\» компаниясы әлеуметтік желідегі парақшасында жарияланды
Ертең сағат 10:00-де Өзен вокзалында маусымның ашылуына орай концерт пен мерекелік жәрмеңке ұйымдастырылады.
Ал, кешкі 19:00-де отшашулар болады.
Сондай-ақ ертең «Металлург» саябағындағы аттракциондар жұмысын бастайды.
Саябақ әкімшілігінің мәліметінше, саябақ күн сайын сағат 10.00-ден 21.00-ге дейін жұмыс істейді.
Әзірге аттракциондардың бағасы жарияланған жоқ.
Бұған дейін шаһар басшылығы қаладағы субұрқақтар да ертең іске қосылатынын хабарлаған еді.
Субұрқақтар 15 қазанға дейін қосылып тұрады. Сағат 10:00-ден 20:00-ге дейін, ал Республика алаңындағы музыкалық субұрқақ — 9:00-ден 23:00-ге дейін жұмыс істейді, — делінген қала әкімдігінің хабарламасында.
Айта кетейік, бүгінде қала бойынша барлығы 16 субұрқақ бар.
Фото: belaleks_boats
