Облыс орталығында қаланы санитарлық тазалау бойынша екі айлық басталған. Бүгінде ауқымды шара жалғасып жатыр, деп хабарлайды F16.kz.
Шаһар тазалығына коммуналдық қызметтермен қатар, қала тұрғындары мен мекеме қызметкерлері де белсене араласқан.
Бұл ретте қала әкімі Алмат Ақышов көпқабатты тұрғын үй ауласындағы және маңайындағы құрылыс қалдықтарына ерекше назар аударуды тапсырды.
Көбінесе тұрғындар пәтерлерін жөндегеннен кейін тұрмыстық қалдықтар мен құрылыс материалдарын қоқысқа тастай салады, тіпті тұрғын үйдің маңына қойып кететіндер де бар. Осыған байланысты қала әкімі халық арасында абаттандыру ережелерін түсіндіру жұмыстарын күшейтуді тапсырды. Тұрғындарға құрылыс қалдықтарын арнайы полигондарға өз бетімен жеткізу немесе тиісті қызмет көрсететін ұйымдармен келісімшарт жасау керектігін еске саламыз, — деді Өскемен қаласы әкімінің баспасөз қызметі.
Қазіргі күні қалалық тұрғын үй қатынастары бөлімінің мамандары көпқабатты үйлерде абаттандыру ережелерінің сақталуын тексеріп жатқан көрінеді.
Бірқатар заңбұзушылықтар анықталып, ескерту хаттары берілді, әкімшілік хаттамалар толтырылды. Кей жағдайларда полиция қызметкерлері тартылып, өрескел тәртіп бұзғандарға айыппұлдар салды. Ауланың тазалығы – баршамыздың ортақ жауапкершілігіміз. Бей-жай қарамай, ортақ іске атсалысуға шақырамыз! – дейді қала әкімдігінің өкілдері.
Фото: F16.kz/жасанды интеллект
