А.С. Пушкин атындағы облыстық кітапханада «Сөзі мәңгілік ақын» атты әдеби кеш өтті. Ұлт арасындағы мәдени байланысты, рухани үндестікті нығайтуға бағытталған тағылымды шара өзбек поэзиясының көрнекті өкілі Аваз шығармашылығына арналды, деп хабарлайды F16.kz тілшісі.
Кешке арнайы Өзбекстаннан келген ақынның жары, қаламгер Зебо Омонова мен Өзбекстаннан келген Келдиёр Хужайеров («Fаvvora» киностудиясының жетекшісі, ақын жайлы деректі фильм авторы), Сирожиддин Рауф («Шығыс жұлдызы» журналының бас редакторы), Гүли Нигор Авазова (Зульфия атындағы Мемлекеттік сыйлықтың иегері, ақынның қызы), немересі Мехри Нигор келіп қатысты.
Кеш барысында Гүли Нигор Авазова әкесі туралы тебірене естелік айтып, жүрекжарды жырын оқыса, Мехри Нигор атасының өлеңінен үзінді оқыды. Ақын жайлы жылы естеліктерімен бөліскен Келдиёр Хужайеров пен Сироджиддин Рауф ақынның шығармашылығына арналған бірнеше өлеңін оқып берді. Сонымен қатар кітапхана қызметкерлері Чори Аваз өлеңдерінің қазақша аудармасын мәнерлеп оқыды.
Фото: А.С. Пушкин атындағы облыстық кітапхана
