Өскеменде жол-көлік оқиғаларының алдын алуға бағытталған республикалық «Қауіпсіз жол» жедел-алдын алу іс-шарасы басталды. Бұл туралы қалалық полиция басқармасы бастығының орынбасары, полиция майоры Еркін Саттыбаев мәлімдеді, деп хабарлайды F16.kz.
Іс-шараның мақсаты – жол апатының алдын алу, жол қозғалысы ережелерін сақтау мәдениетін қалыптастыру.
Биыл қалада 310-ға жуық жол апаты тіркеліп, 414 адам жарақат алған. Бұл былтырғымен салыстырғанда 2,5 есе көп.
Акция аясында патрульдік полиция күшейтілген тәртіпте жұмыс істейді. Қоғамдық көліктер, жүргізуші құжаттары мен көлік жағдайы тексеріледі. Жол белгілері мен жарықтандыру да назарға алынған. Мектептерде, сауда орындарында түсіндіру жұмыстары жүргізіліп жатыр.
Мектеп оқушыларына жол ережелері бойынша арнайы сабақтар өткізіліп, әлеуметтік желілерде бейнероликтер жарияланады.
«Қауіпсіз жол» шарасы жыл бойы жалғасады.
Фото: ШҚО өңірлік коммуникациялар қызметі
