Алтай ауданының тұрғыны салмағы 1 кг болатын картоп өсіріп отыр

ШҚО-ның Алтай ауданында картоп байқауы өтті.

Парыгино ауылының 200-жылдығын мерекелеу аясында өткен фестиваль кезінде ең ірі картоп өсіріп отырған тұрғындар анықталды, деп хабарлайды F16.kz сайты.

Байқауға оннан астам адам қатысты. Ең ірі картопты Алтай қаласының тұрғындары — Калеловтар отбасы өсірген екен. Олар байқауда бірінші орынды иеленді. Калеловтар өсірген бір картоптың салмағы — 1 кг.

Екінші орынды Парыгино ауылының тұрғыны Людмила Безлер, үшінші орынды Чапаево ауылының тұрғыны Любовь Данилова алды.

— Мына картоп ең ірісі емес. Бұдан да ірілері болған, бірақ жақында ғана өнімнің бір бөлігін немеремізге жібердік. Ең ірі картоп та соның ішінде кетті, — деді Василий Калелов.

$\"\"$