Осинов асуын айналып өтетін жаңа жол құрылысы 1 қыркүйекке дейін аяқталуға тиіс. Бұл туралы ШҚО әкімі Нұрымбет Сақтағанов туристік маусымға қатысты өткен кеңесте айтты, деп хабарлайды F16.kz.
Айта кету керек, аталмыш жол учаскесі туристік маршруттың негізгі бөлігінің бірі болып саналады. Енді жаңа жол туристік қызметтер үшін қауіпсіз әрі жыл бойы қатынауға мүмкіндік береді. Бұрын қыста қары қалың, жолы күрделі бұл асу үнемі жабылып, қолайсыздық туғызатын.
Жаңа жол пайдалануға берілгеннен кейін танымал «Думан» кафесінің орны өзгеруі мүмкін. Бұл шешім жол қауіпсіздігі мен туристердің жайлылығы үшін қабылданып отыр.
Естеріңзіге сала кетейік, алдағы уақытта өңірдегі туристік трассалар бойына санитарлық-гигиеналық тораптар орнатылмақ. Облыс әкімі олардың тұрақты қызметін және тазалығын қамтамасыз етуді тапсырды.
