Орталық референдум комиссиясы аумақтық референдум комиссияларының хаттамалары негізінде 6 қазанда өткен республикалық референдумның қорытындысын жариялады.
7 қазанда референдум комиссиясының брифингінде референдумның алдын ала нәтижесі жарияланған болатын, деп хабарлайды F16.kz сайты.
— Референдумға қатысу құқығы бар ҚР азаматтарының жалпы саны – 12 млн 284 487. Олардың 63,66 пайызы немесе 7 820 204 дауыс беруге қатысты, — деді Орталық референдум комиссиясының төрағасы Нұрлан Әбдіров.
Дауыс беруге қатысқан азаматтардың 71,12 пайызы немесе 5 561 937 адам Қазақстанда атом электр станциясын салу мәселесін қолдаған. Ал қарсы дауыс бергендер саны – 2 045 271 адам.
Фото: avestnik.kz
