ҚР Еңбек және халықты әлеуметтік қорғау министрлігі тіркеуде тұрған жұмыссыздардың арасынан өмірлік қиын жағдайға тап болған 24 790 қазақстандыққа SMS-хабарламалар жібереді, деп хабарлайды F16.kz.
Еңбек және халықты әлеуметтік қорғау министрлігінің дерегіне сенсек, хабарламаларда жұмысқа орналасу мүмкіндіктері туралы ақпарат беріледі.
– ҚР Ұлттық статистика бюросымен бірлескен жұмыс шеңберінде республикалық маңызы бар қалалар мен облыс орталықтарының тұрғындарын қоспағанда, азаматтар бір мезгілде 1414 қызметінен ауыл шаруашылығы халық санағын өткізу үшін санақ қызметкері (сұхбаттасушы) ретінде жұмысқа орналасу мүмкіндігі туралы SMS-хабарламалар алады, – деп жазады дерек көзі.
Айта кетейік, ауыл шаруашылығы санағы 20 қыркүйек пен 20 қазан аралығында санақ қызметкерлерін тарта отырып, жеке әңгімелесу әдісімен жүргізілетін болады.
