Шығыс Қазақстан облысының Алтай қаласында «Табиғат тазалығы – ел болашағы» тақырыбында дөңгелек үстел өтті. Іс-шараның ұйымдастырушысы – Алтай ауданының Жастар ресурстық орталығы, деп хабарлайды F16.kz.
Кездесудің мақсаты – «Таза Қазақстан» ұлттық жобасы аясында жастардың экологиялық мәдениетін қалыптастыру және қоршаған ортаны қорғауға деген жауапкершілігін арттыру.
Дөңгелек үстел жұмысына білім беру мекемелерінің өкілдері, мемлекеттік органдар, қоғамдық ұйымдар мен жастар бірлестіктерінің мүшелері қатысты. Қатысушылар өңірдегі өзекті экологиялық мәселелерді талқылап, қоршаған ортаның жағдайын жақсартуға бағытталған идеяларымен бөлісті, сондай-ақ жастарды экологиялық бастамалар мен волонтерлік жобаларға тарту жолдарын қарастырды.
Іс-шара барысында табиғатқа ұқыпты қарау құндылықтарын насихаттау және экологиялық мәдениетті халық арасында кеңінен дәріптеу мәселелеріне ерекше назар аударылды.
Дөңгелек үстел отырысынан кейін қатысушылар болашаққа қамқорлық пен жасыл ел құруға үлес қосу нышаны саналатын тұқым отырғызу акциясына қатысты.
Ұйымдастырушылар мұндай бастамалар басқа өңірлерге де үлгі болып, азаматтарды «Таза Қазақстан» бағдарламасына белсенді қатысуға ынталандырады деген сенім білдірді.
