Қазақстанда мектеп жасына дейінгі балаларды біліммен қамту көрсеткіштері жыл өткен сайын жақсарып келеді, деп хабарлайды F16.kz.
ҚР Оқу-ағарту министрлігінің баспасөз қызметінен хабарлағандай, елімізде 2 мен 6 жас аралығындағы балаларды мектепке дейінгі тәрбиемен қамту деңгейі 94,6%-ға жетті. Ведомстводағылар жыл соңына дейін аталмыш көрсеткішті ұлғайта түсу көзделіп отырғанын айтты.
– Жыл соңына дейін бұл көрсеткішті 95%-ға дейін жеткізу жоспарланып отыр. Қазіргі уақытта Қазақстанда 11 895 мектепке дейінгі ұйымда 944 537 бала тәрбиеленуде, – деп атап өтті Оқу-ағарту министрлігінің баспасөз қызметі.
Еске салайық, осыған дейін Шығыс Қазақстан облысында мектепке дейінгі білім және тәрбиемен қамтылған 2 мен 6 жас аралығындағы балалардың үлесі 99,2%-ға жеткені туралы жазған болатынбыз.
