ҚР Ғылым және жоғары білім министрі Саясат Нұрбек Қазақ спорт және туризм академиясының студенті Шерхан Қалмұрзамен жүздесіп, «Қайрат» футбол клубының ойыншысына тосынсый жасады, деп хабарлайды F16.kz.
– Жас қақпашының көрсеткен тарихи нәтижесі – бүкіл қазақстандық жастар үшін жарқын үлгі. Оны осы жетістігімен құттықтаймын және алдағы ойындарда сәттілік тілеймін!, – деді Саясат Нұрбек.
Кездесу барысында министрлік басшысы жастарға үлгі көрсету мақсатында ақылы бөлімде білім алып жатқан Шерхан Қалмұрзаға ректордың білім беру грантын табыстады. С.Нұрбек алдағы уақытта да дарынды жастарға айрықша көңіл бөлінетіні жеткізді.
Өз кезегінде студент-спортшы көрсетілген ілтипат үшін ризашылығын білдіріп, Қазақстандағы футболдың дамуына үлес қосуға ниетті екенін жеткізді.
