ШҚО-да тұмау мен ЖРВИ жұқтырғандар саны күн сайын өсіп келеді. Эпидемиологиялық ахуалдың қиындауына байланысты мектеп оқушылары қашықтан оқуға көшірілді. Қазір облыстың 165 мектебінде 2207 сынып онлайн білім алып жатыр, деп хабарлайды F16.kz.
Облыстық білім басқармасының мәліметіне сүйенсек, қашықтан оқуға көшірілген мектептер саны 18 қарашадан бастап күрт артқан.
27 қарашадағы жағдай бойынша 2207 сыныптың 38 977 оқушысы онлайн оқып жатыр. Бір сынып оқушыларының 30%-дан астамы денсаулығына байланысты себеппен сабаққа қатыспаған жағдайда қашықтан оқыту форматына көшу туралы шешім қабылданады. Қазір ауырып жатқан оқушылар саны – 16 622, — деді білім басқармасының баспасөз қызметі.
Тұмау мен ЖРВИ жұқтырып, қашықтан оқуға көшкен мектептердің ең көбі облыс орталығында тіркелген. Ал, ең азы Күршім мен Үлкен Нарын ауданында үш мектептен.
Айта кетейік, облыс бойынша жалпы 347 мектеп жұмыс істейді, онда 101 803 бала білім алады.
Білім басқармасы балабақша тәрбиеленушілері арасында да сыртқаттанған балалар барын, десе де мектепке дейінгі мекемелер қалыпты режимде жұмыс істеп жатқанын атап өтті.
