Шығыс Қазақстан облысында Жұмысшы мамандықтар жылы аясында өңір колледждерінің «Қазцинк» ЖШС-мен альянсы құрылып, техникалық және кәсіптік білім беру саласындағы ынтымақтастық туралы меморандумға қол қойылды, деп хабарлайды F16.kz.
Альянстың мақсаты – «Қазцинк» ЖШС мен облыс колледждері арасында серіктестік қатынастарды нығайту, компанияның сұранысына сай білікті әрі бәсекеге қабілетті мамандарды даярлау.
– Атап айтқанда, бірлесіп білім беру бағдарламаларын әзірлеу, студенттердің өндірістік тәжірибесі мен тағылымдамасын ұйымдастыру, сондай-ақ кәсіпорын базасында колледж оқытушыларының біліктілігін арттыру жоспарланған. Профильдік бағыттағы мамандарды даярлауға да ерекше көңіл бөлінбек, – деп хабарлайды ШҚО әкімінің баспасөз қызметі.
Күтілетін нәтижелер – түлектерді даярлау сапасын арттыру, олардың еңбек нарығындағы сұранысын қамтамасыз ету және кадрлық әлеуетті нығайту.
