ШҚО-да «Бекет» жедел профилактикалық іс-шарасы жалғасып жатыр. Тәртіп сақшылары малдың бақылаусыз жайылуына тексерісті күшейтіп, автокөліктер, базар мен сауда нысандарына тұрақты тексеруді күшейтеді, деп хабарлайды F16.kz.
Профилактикалық шараның басты мақсаты – мал ұрлығын ашу және оның алдын алу, мал мен ет өнімдерін заңсыз тасымалдау мен сатуға жол бермеу.
Іс-шара барысында полиция қызметкерлері Глубокое ауданы мен Риддер қаласы аумағында мал ұрлығымен айналысқан топты ұстады. Қолға түскен екі ер адамның төрт ұрлық дерегіне қатысы бар екені анықталды. Келтірілген шығын жалпы сомасы 1 миллион теңгеден асады, — дейді ШҚО ПД баспасөз қызметі.
Одан бөлек 50-ден астам әкімшілік құқықбұзушылық анықталған. Тексеру жұмыстары барысында өнімнің Өнімнің заңды шығу тегін растайтын ветеринариялық құжаттардың болуына ерекше назар аударылады.
Шығыс Қазақстан облысының полициясы азаматтарға малды жаю, тасымалдау және ауыл шаруашылығы өнімдерін сату ережелерін сақтауды, сондай-ақ тиісті ветеринариялық құжаттарды алдын ала рәсімдеу керектігін ескертеді.
